Dövlət Məşğulluq Agentliyinin fəaliyyətinə göstərdiyiniz diqqət üçün təşəkkür edirik. Agentliyin fəaliyyəti barədə xəbərlər mütəmadi olaraq sizə göndəriləcək.
Oldu
“Əlilliyi olan qadınların və müharibə veteranlarının hüquqlarının və rifahının təmin edilməsi” layihəsi Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyi, Birləşmiş Millətlər Təşkilatının İnkişafı Proqramı və Birləşmiş Millətlər Təşkilatının Əhali Fondu tərəfindən birgə həyata keçirilib. Layihənin məqsədi əlilliyi olan qadınlar və müharibə veteranlarının sosial müdafiəsinin gücləndirilməsi məqsədilə onların rifahının artırılması, hüquqlarının müdafiəsi, gəlir əldə etmək imkanlarının genişləndirilməsi və cəmiyyətə inteqrasiyasına dəstək verilməsi olub.
2019-2021-ci illərdə icra olunan layihə Bakı şəhəri, Masallı və Salyan rayonunu əhatə edib.
Layihə çərçivəsində müvafiq təlimlər keçirilib və iştirakçılar tərəfindən hazırlanan biznes planlar qiymətləndirmə üçün təqdim edilib. Biznes planı təsdiq edilmiş 136 nəfər layihə çərçivəsində müxtəlif avadanlıqlarla təmin edilib.
