Dövlət Məşğulluq Agentliyinin fəaliyyətinə göstərdiyiniz diqqət üçün təşəkkür edirik. Agentliyin fəaliyyəti barədə xəbərlər mütəmadi olaraq sizə göndəriləcək.
Oldu
"Moto Kuryer" layihəsi Kommersiya Banklarının dəstəyi ilə Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyi və 189 Delivery şirkəti tərəfindən birgə həyata keçirilir. Layihə çərçivəsində 15 nəfər sosial müdafiəyə xüsusi ehtiyacı olan və işə düzəlməkdə çətinlik çəkən şəxsin məşğulluğu təmin ediləcək.
İlk növbədə layihədən yararlanmaq istəyən şəxslərin online qeydiyyatı aparılacaq, seçim mərhələsindən sonra uyğun namizədlər çatdırılma xidməti zərfi üzrə özünüməşğulluq proqramına cəlb edilərək lazımı avadanlıqlarla təmin ediləcək və 189 Delivery şirkəti tərəfindən işə götürüləcək.
Həmçinin layihə çərçivəsində uyğun namizədlərə 189 Delivery şirkəti tərəfindən təlimlər keçiriləcək, lazımı geyim və çanta təqdim ediləcək.
Layihənin icrası zamanı şəhid ailəsi üzvlərinə, Vətən müharibəsi iştirakçılarına və onların ailə üzvlərinə üstünlük veriləcək.
Layihəyə müraciət etmək istəyən şəxslər müvafiq DOST Mərkəzlərinə və qeydiyyatda olduqları rayon üzrə Regional Məşğulluq filiallarına müraciət edə bilərlər.
Qeyd edək ki, layihəyə son müraciət tarixi 10 Sentyabr 2021-ci il müəyyən edilib.
