Dövlət Məşğulluq Agentliyinin fəaliyyətinə göstərdiyiniz diqqət üçün təşəkkür edirik. Agentliyin fəaliyyəti barədə xəbərlər mütəmadi olaraq sizə göndəriləcək.
Oldu
Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən Azərbaycan Həmkarlar İttifaqları Konfederasiyasının maliyyə dəstəyi ilə “Avtoklaster” layihəsinin həyata keçirilməsi nəzərdə tutulur. Layihənin əsas məqsədi özünüməşğulluq proqramının səmərəliliyini yüksəltmək, proqramdan yararlanan şəxslərin biznes fəaliyyətlərinin rəqabətə davamlılığını təmin etmək və gəlirliliyini artırmaqdır. Bu layihə çərçivəsində eyni və ya oxşar iqtisadi fəaliyyət sahələri üzrə özünüməşğulluq proqramına müraciət edən və əmlaklarla təmin edilən şəxslər müəyyən coğrafi bölgələrdə cəmlənəcək və birgə fəaliyyət göstərərək vahid bazar və xidmətləri bölüşəcəklər.
Layihə üzrə ilkin olaraq əmək bazarının tələbləri və iqtisadiyyatın prioritet sahələri nəzərə alınaraq aşağıdakı sahələrdə fəaliyyət göstərən şəxslərin klasterlərdə birləşdirilməsi təklif olunur:
Layihənin uğurlu həyata keçirilməsi və rəqabətə davamlılığının təmin edilməsi məqsədilə ilkin mərhələdə pilot olaraq Oğuz şəhərində həyata keçirilməsi nəzərdə tutulmuşdur. Klasterlərin yaradılması və fəaliyyətinin təşkil olunması üçün Yerli İcra Hakimiyyəti orqanları ilə birgə fəaliyyət planlaşdırılır.
