Dövlət Məşğulluq Agentliyi tərəfindən həyata keçirilən layihələr

Layihə çərçivəsində Dövlət Məşğulluq Agentliyi tərəfindən avadanlıqlarla təmin edilmiş benefisiarlara, o cümlədən mikro sahibkarlara ABAD tərəfindən biznes-konsaltinq, texniki dəstək, marketinq, maliyyə, hüquqi xidmətlər, logistika və satışın təşkili kimi xidmətlər göstərildi.

Layihənin əsas məqsədi turizm potensiallı regionlarda kənd qonaq evlərinin yaradılması ilə bu sahənin inkişafına töhfə verməkdir.

Layihə sığınacaqlarda müvəqqəti məskunlaşan 20 nəfər məişət zorakılığına məruz qalmış işsiz qadını əhatə edir.

Layihənin məqsədi işsiz və işaxtaran gənclərin biznes ideyalarını reallaşdırmalarına, məşğulluq imkanlarına yiyələnmələrinə özünüməşğulluq proqramı vasitəsilə dəstək olub.

“Əmək və məşğulluq” altsistemi (ƏMAS) ölkədaxili bütün işəgötürənlər və işə qəbul olanlar, mərkəzi və yerli icra hakimiyyəti orqanları, eləcə də digər dövlət qurumları üçün vahid əmək münasibətləri platforması rolununda çıxış edəcək.

Məşğul şəxslərin reyestrində qanunvericilikdə məşğul hesab edilən şəxslərin məlumatları ilə yanaşı, digər gəlirli şəxslərin məlumatları, o cümlədən şəxslərin xərclərinin (kommunal, kredit və s.) strukturu öz əksini tapacaqdır. 

“Qeyri-formal məşğulluğa nəzarət” vahid elektron informasiya ehtiyatları sistemi bu sistemə inteqrasiyası tələb olunan informasiya ehtiyatları sistemlərindən məlumatları toplamaqla əmək qanunvericiliyinə nəzarət olunmasına dövlət nəzarəti üzrə risk qruplarının meyarlarına əsaslanmaqla toplanılmış informasiyanı emal edəcəkdir.

Ölkənin məşğulluq xəritəsi sosial və iqtisadi sahədə atılacaq addımların dinamikasını göstərəcək və məşğulluq proqramlarının hazırlanması və icrası işinin daha da təkmilləşdirilməsinə imkan verəcək.

BACAR müasir dövrün texniki yenilikləri, innovativ həllər, beynəlxalq təcrübə və standartlar üzrə distant peşə tədrisi təklif edən virtual platformadır.

“Elektron əmək birjası və yarmarkası” işaxtaran və işsiz şəxslərin daimi və müvəqqəti məşğulluğunun təmin edilməsinə xidmət göstərəcək. Bu, daimi, mövsümi və müvəqqəti iş axtaran şəxsləri eyni əsasla iş təklif edən şəxlərlə görüşdürən virtual platformadır.

İctimai işlər təşkili prosesini rəqəmsallaşdıraraq daha sadə və operativ hala gətirmək üçün nəzərdə tutulmuşdur. Portalın istifadəçiləri Prezident Administrasiyası, Əmək və Əhalinin Sosial Müdafiəsi Nazirliyi, Məşğulluq və DOST mərkəzləri, TOQ-lar və "DOST İş Mərkəzi" MMC olacaq.

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Məşğulluq Agentliyi, eləcə də digər Agentlik və Xidmətlərin fəaliyyətləri ilə bağlı həyata keçirdikləri yoxlamaları və monitorinqləri vahid bir sistemlə idarə edə biləcəklər.