Bakı, Abşeron-Xızı və Gəncə-Daşkəsən Regional Məşğulluq filialları üzrə qəbul keçirilib

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyində onlayn qəbul baş tutub. Agentliyin İdarə heyətinin sədri Mustafa Abbasbəyli vətəndaşları qəbul edərək müraciətlərini cavablandırıb.

Budəfəki qəbulda Bakı, Abşeron-Xızı və Gəncə-Daşkəsən Regional Məşğulluq filiallarına qəbul üçün müraciət edən vətəndaşlar iştirak edib. Müraciətlər əsasən özünüməşğulluq proqramı və işlə təminat məsələsi ilə bağlı olub.

Vətəndaşların sualları cavablandırılıb və əlavə araşdırma tələb edən müraciətlərin həll edilməsi ilə bağlı müvafiq göstərişlər verilib.