"İrəliləyİş" layihəsinə seçilmiş iştirakçıların ilk qrupu üçün təlimlərə başlanılıb

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin təşkilatçılığı, Azərbaycan Respublikası Gənclər Fondu və Azərbaycan Tələbə Gənclər Təşkilatları İttifaqının tərəfdaşlığı ilə həyata keçirilən "İrəliləyİş" layihəsi çərçivəsində seçilmiş iştirakçılar üçün təlimlərə başlanılıb.

İlk mərhələdə seçilmiş 150 nəfər iştirakçıya 7 əsas mövzu istiqamətində təlimlər keçiriləcək. 4 gün davam edəcək təlimlərin sonunda iştirakçılar layihənin sosial tərəfdaşları tərəfindən təqdim olunan təcrübə yerlərində 2 aylıq proqrama cəlb olunacaq. 

Ümumilikdə 1500 nəfərin cəlb olunması nəzərdə tutulan təcrübə proqramına müraciət davam edir.  

•  Ali və ya orta ixtisas təhsilini bitirən;
•  Ali təhsil müəsissəsində təhsil alan və təcrübə yerində təcrübə keçməsi ilə bağlı ali təhsil müəsissəsindən arayış təqdim edən tələbələr; 
•  18-29 yaş arası;
•  İş təcrübəsi olmayan;
•  İşsiz və işaxtaran şəxslər;
•  Təqdim olunan təcrübə yerlərində təcrübəyə qatılma imkanı olan şəxslər layihəyə müraciət edə bilərlər.

Təcrübə yerləri Bakı şəhəri və Abşeron rayonu ərazisini əhatə edir.

Müraciət və ətraflı məlumat üçün linkə keçid edə bilərsiniz: https://bit.ly/3UDE1iA