Qusarda növbəti əmək yarmarkası keçiriləcək

Quba-Xaçmaz Regional Məşğulluq filialının dəstəyi ilə Qusar şəhərində 5 dekabr 2024-cü il tarixində, saat 11:00-da əmək yarmarkası keçiriləcəkdir.

Tədbirdə Qusar rayonunda fəaliyyət göstərən 1 işəgötürən tərəfindən 11 vakansiyanın işsiz və işaxtaran şəxslərə təklif olunması nəzərdə tutulur.

Əmək yarmarkasına gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.

Vakansiyalar və iş öhdəlikləri haqqında daha ətraflı məlumat əmək yarmarkasında iştirak edən şəxslərə təqdim ediləcəkdir.

Ünvan: Qusar şəhəri, Mirzə Vəliyev küçəsi 6, Heydər Əliyev Mərkəzi