Korporativ Sosial Məsuliyyət

Ən aktiv özəl sosial tərəfdaşlar mükafatı barədə məlumat

 

Korporativ sosial məsuliyyət (KSM) bir qurumun/müəssisənin cəmiyyətə qarşı məsuliyyətli, etik davranışı və bu kontekstdə müxtəlif layihələr həyata keçirməsi kimi qəbul edilir. Eyni zamanda (KSM) qurumun cəmiyyətə olan təsirini və məsuliyyətini qiymətləndirmək prosesidir. Fəaliyyət istiqamətlərimizdən biri də biznesin, eləcə də cəmiyyətin ümumi inkişafına və maraqlarına xidmət edən korporativ sosial məsuliyyətdir. Bu mənada müxtəlif iqtisadi istiqamətlərdə fəaliyyət göstərən işəgötürənlər, həmçinin ictimai birliklər Dövlət Məşğulluq Agentliyinin sosial tərəfdaşlarıdır.

Agentlik daima sosial tərəfdaşları ilə yaxından əməkdaşlıq edərək sosial məsuliyyət layihələrinin həm icrasını həyata keçirir, həm də təqdim edilən sosial məsuliyyət layihələrinə öz dəstəyini göstərir. Korporativ sosial məsuliyyət sahəsində cəmiyyətimizdə maarifləndirmə işini daha da artırmaq və bu sahədə əməkdaşlıqları stimullaşdırmaq məqsədilə Dövlət Məşğulluq Agentliyi tərəfindən hər il korporativ sosial məsuliyyət çərçivəsində sosial tərəfdaşların müxtəlif nominasiyalar üzrə mükafatlandırılması mərasimi keçirilməsi planlaşdırılır. Ölkə iqtisadiyyatının bütün istiqamətlərində fəaliyyət göstərən şirkətlərin mükafatlandırılması onların cəmiyyətə qarşı etik və məsuliyyətli davranması, bu istiqamətdə qərarlar qəbul etməsi və həyata keçirməsini stimullaşdıracaq, onların sosial layihələrə marağını artıracaq, bütövlükdə iqtisadiyyatın inkişafına və vətəndaşların sosial rifahının daha da yüksəlməsinə səbəb olacaqdır.

alt text

 

Nominasiyalar

2021-ci ilin korporativ sosial məsuliyyət tədbirlərində fəal iştirak edən sosial tərəfdaşların mükafatlandırılması haqqında

Korporativ sosial məsuliyyət tədbirlərində aktiv iştirak edərək həssas qruplara dəstək proqramlarının icrasına töhfəsini verən sosial tərəfdaşların mükafatlandırılması mərasimi keçirilib.

Tədbirdə əmək və əhalinin sosial müdafiəsi naziri Sahil Babayev, gənclər və idman naziri Fərid Qayıbov, Ailə, Qadın və Uşaq Problemləri üzrə Dövlət Komitəsinin sədri Bahar Muradova, Azərbaycan Həmkarlar İttifaqları Konfederasiyasının sədri, millət vəkili Səttar Möhbalıyev, Azərbaycan Sahibkarlar Təşkilatları Milli Konfederasiyasının prezidenti Məmməd Musayev, millət vəkilləri Musa Quliyev, Arzu Nağıyev və başqaları, eləcə də işəgötürənlər iştirak ediblər.

Prezident İlham Əliyevin tapşırığı əsasında sosial müdafiə və aktiv məşğulluq proqramlarının ildən-ilə xeyli genişləndiyini vurğulayan S.Babayev sosial tərəfdaşların korporativ sosial məsuliyyət çərçivəsində bu proqramların icrasına göstərdiyi dəstəyi qeyd edib.

 

Nazir həssas əhali qruplarına yönələn irihəcmli sosial layihələrdə dövlət  qurumları ilə yanaşı, özəl sektoru təmsil edən şirkətlərin də iştirakını diqqətə çatdırıb. Şəhid ailələri və müharibə əlillərinin, digər həssas qruplardan olanların mənzil-məişət şəraitlərinin yaxşılaşdırılması, onların avtomobillə təminatı, aztəminatlı ailələrin maddi dəstəklə təmin edilmələri və digər sahələrdə aparılan dəstək işlərində onların sosial tərəfdaşlıq müstəvisində öz töhfələrini verdiyini bildirib. 

S.Babayev sosial tərəfdaşların aktiv məşğulluq tədbirlərinin icrası, özünüməşğulluq proqramının genişləndirilməsi işlərində də korporativ sosial məsuliyyət çərçivəsində dəstək göstərdiklərini diqqətə çatdırıb.

 

Nazir “Məşğulluq marafonu”nun da korporativ sosial məsuliyyətin bir nümunəsi olduğunu, işəgötürənlərin şəhid ailəsi üzvləri və qazilərin məşğulluğunun təminatına xidmət edən bu marafonda yaxından iştirak etdiklərini deyib. Qeyd edib ki, marafona artıq 610 işəgötürən qoşularaq 4030 vakansiya təqdim edib və həmin vakansiyalar üzrə 1600-dən çox şəhid ailəsi üzvü və qazi işlə təmin olunub.

 

Digər çıxış edənlər ölkəmizdə həssas əhali qruplarının rifah halının yaxşılaşdırılmasına xidmət edən proqramlarda sosial tərəfdaşların fəal iştirakını həmrəylik nümunəsi kimi də qeyd edərək, ümumən vətəndaş rifahının təminatı proseslərinə dəyərli töhfə olduğunu vurğulayıblar.

 

Sonra məşğulluq layihələrində fəal iştirakı ilə seçilən sosial tərəfdaşlara şəhid ailələri üzvlərinin, müharibə iştirakçılarının, əlilliyi olan şəxslərin, gənclərin, qadınların məşğulluğunun təmin olunmasına dəstək verən ən aktiv özəl sosial tərəfdaşlar, həmçinin “Məşğulluq" altsisteminə ən çox vakansiya yerləşdirən, “Məşğulluq" altsistemi üzərindən göndərişlər əsasında ən çox əmək müqaviləsi bağlayan, ən aktiv özəl sosial tərəfdaşlar nominasiyaları üzrə mükafatlar təqdim edilib.

 

Mükafatlandırılmış müəssisələr

Əlilliyi olan şəxslərin məşğulluğunun təmin olunmasına dəstək verən ən aktiv özəl sosial tərəfdaş

"Üstay Yapı Taahhüt ve Ticaret Anonim Şirketi"nin Azərbaycan nümayəndəliyi

"Üstay Yapı Taahhüt ve Ticaret Anonim Şirketi"nin Azərbaycan nümayəndəliyi

İşlə təmin edilib: 43 nəfər

Şəhid ailəsi üzvlərinin məşğulluğunun təmin olunmasına dəstək verən ən aktiv özəl sosial tərəfdaş

"PROKON" MMC

"PROKON" MMC

İşlə təmin edilib: 15 nəfər

Qazilərin məşğulluğunun təmin olunmasına dəstək verən ən aktiv özəl sosial tərəfdaş

“AL MARKET” MMC

“AL MARKET” MMC

İşlə təmin edilib: 78 nəfər

Gənclərin məşğulluğunun təmin olunmasına dəstək verən ən aktiv özəl sosial tərəfdaş

“MCDONALD”S Azərbaycan” QSC

“MCDONALD”S Azərbaycan” QSC

İşlə təmin edilib: 975 nəfər

Qadınların məşğulluğunun təmin olunmasına dəstək verən ən aktiv özəl sosial tərəfdaş

“AZƏRİ MED” QSC

“AZƏRİ MED” QSC

İşlə təmin edilib: 2340 nəfər

“Məşğulluq" altsisteminə ən çox vakansiya yerləşdirən özəl sosial tərəfdaş

“AL MARKET” MMC

“AL MARKET” MMC

İşlə təmin edilib: 3758 nəfər

Ən aktiv özəl sosial tərəfdaş (Şirkət)

Marsol MMC

Marsol MMC

“Məşğulluq" altsistemi vasitəsilə vətəndaşların məşğulluğuna dəstək verən ən aktiv özəl sosial tərəfdaş

“AL MARKET” MMC

“AL MARKET” MMC

İşlə təmin edilib: 2545 nəfər

Ən aktiv özəl sosial tərəfdaş (Birlik, Assosiasiya)

Azərbaycan Banklar Assosiasiyası

Azərbaycan Banklar Assosiasiyası