Xankəndidə təşkil olunan kurslarda artıq 400 müdavim yeni peşələrə yiyələnib

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi və “Accelerated Career Academy” tədris müəssisəsinin əməkdaşlığı çərçivəsində Xankəndi şəhərində təşkil olunan peşə hazırlığı kursları davam edir.

İşğaldan azad olunan ərazilərə köçürüləcək, hazırda ətraf ərazilərdə məskunlaşmış keçmiş məcburi köçkünlərdən artıq 400 müdavim tikiş avadanlıqlarının operatoru, tikişçi və yükdaşıma mütəxəssisi peşələri üzrə kursları başa vurub.

Nəzəri və praktik hissələrdən ibarət olmaqla iki növbəli təşkil olunan kursları uğurla başa vuran şəxslərin Xankəndi şəhərində istifadəyə verilən tikiş fabrikində işlə təminatı həyata keçirilir. 

Hazırda daha 29 şəxsin “Tikiş avadanlıqlarının operatoru, tikişçi” peşəsi üzrə  tədrisi davam etdirilir və yaxın günlərdə daha bir qrup şəxs üçün peşə kursuna başlanması da planlaşdırılır.

Bizi sosial mediada izləyin

Facebook: dma.gov.az

Instagram: dma.gov.az

Linkedin: Dövlət Məşğulluq Agentliyi

YouTube: dmasosialgovaz