Təhsildə Keyfiyyət Təminatı Agentliyi ilə peşə hazırlığında əməkdaşlıq məsələləri müzakirə edilib

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyində Elm və Təhsil Nazirliyinin tabeliyində Təhsildə Keyfiyyət Təminatı Agentliyinin nümayəndələri ilə görüş keçirilib.

Görüşdə Dövlət Məşğulluq Agentliyinin İdarə Heyətinin sədri Sadiq Əliyev, Təhsildə Keyfiyyət Təminatı Agentliyinin İdarə Heyətinin sədri Tural Əhmədov və hər iki qurumun müxtəlif istiqamətlər üzrə rəhbər şəxsləri iştirak edib.

Xüsusilə peşə hazırlığı ilə bağlı müzakirələrin aparıldığı görüşdə Sadiq Əliyev peşə hazırlığı istiqamətində aparılan islahatları qeyd edib, Məzunların məşğulluq reytinqi platforması barədə məlumat verib.

Tural Əhmədov da öz növbəsində təhsilalanların bilik və bacarıqlarının beynəlxalq standartlara uyğun qiymətləndirilməsi, eləcə də ali və orta ixtisas təhsil müəssisələrinin keyfiyyət göstəricilərinin artırılması istiqamətində sistemli işlər aparıldığını vurğulayıb.

Həmçinin görüşdə əmək bazarında işəgötürənlərin tələblərinə uyğun keyfiyyətli, peşəkar kadrların hazırlanması, təhsil proqramlarının keyfiyyət səviyyəsi, Azərbaycanda və beynəlxalq səviyyədə qəbul edilmiş standartlara əsaslanan ali, orta ixtisas və əlavə təhsilin keyfiyyətinin, qeyri-formal və informal yolla əldə olunmuş bacarıqların tanınması istiqamətində əməkdaşlıq barədə müzakirə aparılıb.

Bizi sosial mediada izləyin

Facebook: dma.gov.az

Instagram: dma.gov.az

Linkedin: Dövlət Məşğulluq Agentliyi

YouTube: dmasosialgovaz