Şəhid övladları üçün bayram şənliyi təşkil olunub

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin Bakı Regional Məşğulluq filialının təşkilatçılığı, “Azərsun” Holdinqin dəstəyi ilə Dünya Azərbaycanlılarının Həmrəyliyi Günü və Yeni il ərəfəsində şəhid övladları üçün bayram şənliyi təşkil edib.  Park Bulvar Mall-da baş tutan “Vətən övladları” adlı tədbirdə ərazi bütövlüyümüzün bərpası zamanı şəhidlik zirvəsinə yüksələn qəhrəmanlarımızın övladları iştirak edib.

50 şəhid övladının iştirak etdiyi tədbirdə uşaqlara Şaxta baba və Qar qızın təqdimatında maraqlı oyunlar, fərqli viktorinalar, əyləncəli şou-proqramlar təqdim edilib. Tədbir uşaqların kinozalda cizgi filmi izləməsi ilə başa çatıb.

Qeyd edək ki, bayram şənliyi həssas qruplara dəstək proqramları çərçivəsində icra edilib.