Özbəkistan nümayəndə heyəti ilə görüş keçirilib

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyində ölkəmizdə səfərdə olan Özbəkistan Respublikasının Məşğulluq və Yoxsulluğun Azaldılması Nazirliyinin nümayəndə heyəti ilə görüş keçirilib.

Görüş çərçivəsində Agentliyin nümayəndələri qurum tərəfindən həyata keçirilən aktiv məşğulluq tədbirləri, o cümlədən özünüməşğulluq proqramları, birgə maliyyələşmə, peşə hazırlığı, karyera məsləhəti xidməti və yeni məşğulluq konsepsiyası ilə bağlı qonaqlara ətraflı məlumat veriblər.

Həmçinin, görüş zamanı son dövrlərdə həyata keçirilən məşğulluq islahatları, “Əmək və Məşğulluq” altsistemi və digər rəqəmsal layihələr haqqında da geniş məlumat verilib.

Daha sonra qurumlar arasında əməkdaşlıq perspektivləri ilə bağlı müzakirə aparılıb.

Bizi sosial mediada izləyin

Facebook: dma.gov.az

Instagram: dma.gov.az

Linkedin: Dövlət Məşğulluq Agentliyi

YouTube: dmasosialgovaz