III “İxtisas bələdçisi” Forumu keçirilib

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera Filialı tərəfindən növbəti “İxtisas bələdçisi” Forumu keçirilib.

Bakı Biznes Universiteti ilə əməkdaşlıq çərçivəsində baş tutan Forumda 170 abituriyent, 9-11-ci sinif şagirdləri və onların valideynləri iştirak edib.

İki panel müzakirənin keçirildiyi Forumda düzgün ixtisas seçimində diqqət edilməli əsas məqamlar, uğurlu ixtisas seçiminin sirləri, ixtisas seçiminin psixoloji aspektləri kimi mövzularda çıxışlar edilib, auditoriyanı maraqlandıran suallar cavablandırılıb. 

Forumun vörkşop formatında davam edən ikinci hissəsində isə iştirakçılara hər bir ixtisas qrupu üzrə əmək bazarında aktual olan peşə və ixtisasların ekspertləri tərəfindən nəzəri və praktiki məlumatlar verilib.