Dövlət Məşğulluq Agentliyinin fəaliyyətinə göstərdiyiniz diqqət üçün təşəkkür edirik. Agentliyin fəaliyyəti barədə xəbərlər mütəmadi olaraq sizə göndəriləcək.
OlduDövlət Məşğulluq Agentliyinin karyera məsləhətçiləri
məlumatlandırılıb
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən həyata keçirilən “Karyera məsləhətçiləri ilkin rekruter – işəqəbul mütəxəssisi kimi işəgötürənlərin xidmətindədir!” layihəsi çərçivəsində növbəti görüşlər Şamaxıda baş tutub.
Görüşlər Dağlıq Şirvan Regional Məşğulluq filialının karyera məsləhətçiləri üçün Azgranata MMC və Yeni Şamaxı Hotel Company MMC ilə birgə təşkil edilib.
Tədbirlər zamanı Agentliyin fəaliyyəti və “əmək və məşğulluq” altsistemi ilə bağlı məlumat verilib. Daha sonra görüşlərdə iştirak edən şirkətlərin işə qəbul prosesi, namizədlərdən tələblər, karyera məsləhətçilərindən gözləntilər barədə müzakirələr aparılıb.
“Karyera məsləhətçiləri ilkin rekruter – işəqəbul mütəxəssisi kimi işəgötürənlərin xidmətindədir!” layihəsinin məqsədi karyera məsləhətçiləri və işəgötürənlər arasında kommunikasiyanın qurulması ilə karyera məsləhətçilərinin vakansiya tələblərini və hər bir işəgötürənin işəqəbul prinsiplərinin öyrənilməsi, işəgötürənlərlə karyera məsləhətçilərinin arasında əməkdaşlığın gücləndirilməsi və karyera məsləhətçilərinin qərarına inamının artırılmasıdır.
Paylaş
LinkedIn
Twitter
Facebook
Whatsapp
Telegram
