Bakı və Sumqayıtda keçirilən yarmarkalarda 351 vakansiya təqdim edilib

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Bakı və Abşeron-Xızı Regional Məşğulluq filalları tərəfindən növbəti əmək yarmarkaları təşkil olunub.

Bakı və Sumqayıt şəhərlərində keçirilən yarmarkalarda özəl və dövlət sektorundan olan 51 müəssisə iştirak edib, işsiz və işaxtaran şəxslərə 351 vakansiya təqdim edilib.

Aktiv məşğulluq tədbirlərində işəgötürənlər tərəfindən vətəndaşlara vakansiyaların tələbləri barədə məlumat verilib, uyğun namizədlərlə ilkin müsahibələr aparılıb və CV-ləri qəbul edilib.

Həmçinin tədbirlərdə işsiz və işaxtaran şəxslər Agentliyin icra etdiyi digər aktiv məşğulluq tədbirləri barədə də məlumat əldə edə biliblər.