Agentlik sədri Xaçmazda vətəndaşları qəbul edəcək

17 mart  2026-cı il tarixdə Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Hasil Abbasovun Xaçmaz rayonunda vətəndaş qəbulu keçiriləcək.
 

Qəbulda Xaçmaz rayon sakinlərinin işlə təmin olunma, özünüməşğulluq proqramından yararlanma, peşə hazırlığı kursları və qurumun fəaliyyətinə dair digər sahələrlə bağlı müraciətləri cavablandırılacaq.
 

Qəbula yazılmaq üçün Xaçmaz rayon sakinləri 10 mart 2026-cı il saat 14:00-dək (070-691-91-07) telefon nömrəsinə zəng edə və ya dma@sosial.gov.az elektron poçt ünvanına məktub göndərə bilərlər.
 

Vətəndaşların qəbulu əvvəlcədən tərtib edilmiş siyahı əsasında həyata keçiriləcək.
 

Şəhid ailəsi üzvləri, müharibə əlilləri, eləcə də digər imtiyazlı şəxslər növbədənkənar qəbul ediləcəklər.
 

Qəbul 17 mart 2026-cı il saat 11:00-dan etibarən Xaçmaz şəhəri, Heydər Əliyev prospektində yerləşən Tarix-Diyarşünaslıq muzeyində keçiriləcək.