Vakansiya bankı

Xidmət haqqında qısa məlumat

Vakansiya bankı işəgötürənin boş olan və işçi tələb edilən iş yerləri üzrə kadr ehtiyaclarının təmin edilməsinə yönəlmiş xidmət formasıdır.

 

İşəgötürən boş iş yerlərini necə təqdim etməlidir?

1. www.emas.sosial.gov.az portalına daxil olun;

2. ASAN və ya Elektron imza vasitəsi ilə sistemə daxil olun;

3. “Struktur əməliyyatları” bölməsindən “Təşkilatın strukturu”nu seçin;

4. Açılan səhifədə “Ştatlara baxış” düyməsinə klikləyin;

5. Ştatları seçib “Vakansiya bankına göndər” bölümünə keçin;

6. Açılan səhifədə vakansiya tələblərini doldurun;

7. "Yadda saxla" düyməsini sıxın.

 

İşaxtaran və işsiz şəxslər vakansiya bankına necə müraciət etməlidir?

- www.e-sosial.az saytına daxil olur;

- Əmək və məşğulluq AS işaxtaranlar bölməsindən ASAN login vasitəsi ilə və ya “Qeydiyyat”dan keçərək daxil olur;

- “Vakansiyalar ” bölümünə keçid edir;

- “Vakansiyaya müraciət et” düyməsinə klikləyir;

- Müraciət formasını dolduraraq müraciəti göndərir.

 

İşəgötürən boş iş yerlərini neçə gün ərzində təqdim etməlidir?

5 iş günü ərzində. 

 

İşəgötürən vətəndaşın vakansiyaya müraciətinə hansı müddətdə cavab verməlidir?

5 iş günü ərzində. 

 

İşəgötürənlər "Əmək və məşğulluq" altsisteminə  vakansiya daxil etməsə, hansı inzibati xəta həyata keçirilir?

İnzibati xətalar məcəlləsinin Maddə 540-a əsasən 500-1000 AZN-dək cərimə edilir.

 

İşəgötürənlər ƏMAS-dan istifadə etməklə özləri üçün kadr seçə bilərlərmi ?

Bəli. 

 

Kimlər müraciət edə bilər?

Azərbaycan Respublikasının vətəndaşları, Azərbaycan Respublikasında yaşayan əcnəbilər və vətəndaşlığı olmayan şəxslər.